༄༅།། ཆབ་མདོའི་སྐྱེས་མོའི་རྒྱན་གོས་རིག་གནས་སྐོར་ལ་རགས་ཙམ་དཔྱད་པ།
སྤེལ་དུས།  2013-11-19  རྡེབ་ཚད།   ཡོང་ཁུངས། བོད་ཀྱི་སློབ་འབྲིང་དྲ་བ།  རྩོམ་པ་པོ། ཀྲུང་དབྱང་མི་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་གི་2011ལོའི་ཆོས་ལུགས་རིག་གནས་ཆེད་ལས་ཀྱི་ཞིབ་འཇུག་སློབ་མ་ཚེ་རིང་ཆོས་མཚོ།  རྩོམ་སྒྲིག་པ། dbljdon

ནང་དོན་གནད་བསྡུས།  རྩོམ་འདིར་བོད་ཀྱི་ཆབ་མདོའི་བུད་མེད་ཀྱི་རྒྱན་ཆ་དང་གྱོན་གོས།གདོང་ཚོས་བྱུགས་སྟངས་བཅས་གླེང་ནས་རྒྱན་ཆའི་རིག་གནས་ཀྱི་མཚོན་དོན་ཏེ།རིན་པོ་ཆེའི་མཚོན་དོན་དང་དེའི་གྲངས་ཀའི་མཚོན་དོན།ཁ་དོག་གི་མཚོན་དོན་བཅས་ལ་དཔྱད་པ་བཏང་ཡོད།w9Q

བརྡ་ཆད་གཙོ་བོ། སྐྱེས་མའི་རྒྱན་གོས།རྒྱན་གོས་རིག་གནས།རྒྱན་གོས་ཀྱི་མཚོན་དོན།w9Q

དང་པོ།   ཆབ་མདོ་བུད་མེད་ཀྱི་རྒྱན་གོས།w9Q

    གཅིག   རྒྱན་ཆ།   རྒྱན་ཆའི་ངོས་ནས་བཤད་ན་ཁམས་པའི་མི་རྣམས་རྒྱན་ཆ་འདོགས་རྒྱུ་ལ་ཤིན་ཏུ་དགའ།དུད་ཁྱིམ་ཞིག་གི་རྒྱུ་སྟོབས་ཇི་འདྲ་ཡོད་པ་ཚང་མ་ཁྱིམ་ཚང་དེའི་བུ་མོའི་རྒྱན་ཆའི་ངོས་ནས་ཧ་ལམ་ཤེས་ཐུབ།རྒྱན་ཆ་བྱེ་བྲག་རེ་རེ་མགོ་ནས་མཇུག་བར་རགས་ཙམ་བཤད་ན།མགོ་རྒྱན་ལ་རོང་བ་དང་།འབྲོག་པ།རོང་མ་འབྲོག་གསུམ་ལ་ཁྱད་པར་མཆིས་ཏེ།དཔེར་ན་ཆབ་མདོ་རྫོང་དང་དེའི་མཐའ་འཁོར་གྱི་རོང་བའི་གྲོང་སྡེ་སོགས་ནས་བུད་མེད་རྣམས་ཀྱིས་མགོ་ལ་རས་ཆུང་འཐུག་པོ་ཞིག་གི་གཡས་གཡོན་དུ་བྱུ་རུ་སླས་ཤིང་དཀྱིལ་ན་གཡུ་དང་ཡང་ན་རག་ཏོག་བསྡམས་ཡོད་པ་ཞིག་འདོགས་ལ།ལྷ་ཐོག་འབྲོག་ཡུལ་ནས་མགོ་རྒྱན་གཙོ་བོ་སྤོས་ཤེལ་ཡིན།ཡང་འབྲོག་ཁུལ་ཡིན་ན་མགོ་ལ་སྤོས་ཤེལ་དང་དེའི་ཐོག་ཆབ་ཏོག་བྱུ་རུ་འཇོགའཇོ་མདའ་ནི་ཆབ་མདོ་དང་སྡེ་དགེ་གཉིས་ཀྱི་ས་མཚམས་ན་གནས་པས་ས་ཆ་འདི་གཉིས་ཀྱི་རྒྱན་ཆ་དང་སྐད་རིགས་མཉམ་དུ་འདྲེས་ཀྱིས་སྤྱོད་པའི་ཁྱད་ཆོས་ལྡན།འཇོ་མདའི་བུད་མེད་རྣམས་ཀྱིས་གཡུ་ཡི་གཙུག་རྒྱན་འདོགས་པ་དེ་གཞན་དང་བསྡུར་ཚེ་ཁྱད་པར་ཅུང་ཙམ་ཆེ་བར་མངོན་ཏེ། གཡུ་མང་པོ་མཉམ་དུ་སླས་ཡོད་པ་དང་དཀྱིལ་ན་སྤོས་ཤེལ་ཆེན་པོ་ཞིག་གམ་ཡང་ན་ཟངས་སོགས་ལས་བྱས་པའི་རྟེན་ཕྲ་ཀོང་ཞིག་གི་ནང་གཡུའི་ཕྲ་འཇོགའཇོ་མདའི་བུད་མེད་ཀྱི་མགོ་རྒྱན་འདི་ནི་ལོ་ན་རྒས་དུས་འདོགས་ཚུལ་མེད།སྐྲ་རྒྱན་ནང་རྒྱལ་མོ་ཚ་བ་རོང་དང་མཐའ་ཉེའི་མཛོ་སྒང་དང་སྨར་ཁམས་སུ་སྐུད་པ་ཕྲ་བོ་ཁ་ཞིག་ཁ་འདོགས་པའི་ལུགས་སྲོལ་ཡོད།དེ་སྐྲ་དང་མཉམ་དུ་སླས་ནས་མགོ་ཐོག་བསྐོར་ནས་འཇོག་དགོས་པའི་སྲོལ་ཡོད།ད་དུང་སྨར་ཁམས་ཀྱི་བུད་མེད་རྣམས་ཀྱིས་དངུལ་སྦུག་ཅེས་ཕྱི་དངུལ་དང་ནང་ཟངས་ཡིན་པའི་སྐྲ་རྒྱན་ཞིག་འདོགས།དེ་མགོ་ཡི་གཡས་ཕྱོགས་ནས་ཕྱེད་ཀ་ཅུང་ཙམ་བྱས་ནས་འདོགས་དགོས།སྐྲ་རྒྱན་འདི་ཁམས་བདེ་ཆེན་གྱི་སྤོམ་རྩེ་རག་གི་སྐྱེས་མའི་སྐྲ་རྒྱན་འདོགས་ཚུལ་དང་འདྲ།སྐྲ་འཇོག་ཚུལ་བྲག་གཡབ་དང་གོ་འཇོ་ས་གཉིས་ཀྱི་བུད་མེད་རྣམས་རྦད་མགོ་བཞག་ནས་སྐྲ་སྒོ་ཅུང་ཕྱེ་ནས་འཇོགསྐེ་རྒྱན་ཕལ་མོ་ཆེ་ནི་གཟི་དང་བྱུ་རུ།གཡུ་གསུམ་ག་མཉམ་དུ་བརྒྱུན་ནས་འདོགས།མཁར་རོའི་གནའ་ཤུལ་ནང་སྔོག་འདོན་བྱས་པའི་སྐེ་རྒྱན་ཕྲེང་བ་དེ་གཉིས་ལྟ་བུ་ལ་མཚོན་ན།རྡོ་རིས་དང་གཟི་དབྱིབས་ལྟ་བུ་མཉམ་དུ་རྒྱུན་པ་དེ་དེང་སང་ཡང་ཁམས་པའི་བོད་རྣམས་ཀྱི་རྒྱུན་སྲོལ་ཡིན།ཆབ་མདོའི་ཕྱོགས་ནས་བྱུར་དམར་ལ་དགའ་ཞེན་ཆེ་མོད།ཨ་མདོ་ལྟ་བུར་སྐེ་རྒྱན་ཕྲེང་བར་སྤེལ་ནས་བྱུར་དམར་འདོགས་སྲོལ་ཡེ་ནས་མེད་ལ།བྱུར་དཀར་འདོགས་མཁན་ཡང་ཉུང་།སྐེ་རྒྱན་བར་དུ་ད་དུང་བལ་གའུ་འདོགས་མཁན་མང་།བལ་གའུ་ནི་བལ་ཡུལ་ནས་དར་ཡོང་བ་དང་ལོ་རྒན་པ་རྣམས་ཀྱིས་བལ་ཡུལ་གྱི་གའུ་དང་ཐེར་མ།འབུ་རས་རྣམས་སྤུས་ཀ་བཟང་པར་བཤད།སྐེ་རྒྱན་ཕྲེང་བའི་ནང་ད་རུང་བྱུ་རུའི་རིགས་བརྒྱད་མོ་ལག་ཡ་དང་འབུ་འཕྲིགགཡང་ཏི།དཀར་གཟུ།རིན་པོ་ཆེ་མ་ན་ཧོ།མུ་ཏིགཔད་མ་ར་ག་དང་གཟི་སྣ་ཚོགས་རྒྱུན།མཛུབ་རྒྱན་ལ་ཆབ་མདོའི་སྐད་དུ་འགུ་ཡ་ཞེས་སུ་འབོད།མཛུབ་དཀྲིས་ནི་གསེར་ཆེན་པོ་རྟ་སྒའི་དབྱིབས་ཅན་ཞིག་གི་བར་དུ་བྱུ་རུས་བརྒྱན་པ་ལ་རྟ་སྒ་མ་ཞེས་འབོད།དེ་གཙོ་བོ་སྐྱེས་པ་དག་མ་གཏོགས་བུད་མེད་རྣམས་ཀྱིས་འདོགས་མཁན་ཅུང་ཉུང་།བུད་མེད་རྣམས་ཀྱིས་གསེར་དངུལ་ཟངས་རག་གང་རུང་གིས་བརྡུང་བའི་འགུ་ཡ་ནང་ཕྲ་གང་འདོད་འཇོགལག་རྒྱན་ལ་ཆབ་མདོའི་སྐད་ནང་ལག་རྡུག་ཞེས་མོད་དོན་གྱིས་འདི་ལག་རྡུབ་ཡིན་དགོས་པར་སྙམ།འདི་ནི་སྔོན་དངུལ་གྱིས་བཟོས་ནས་འདོགས་སྟངས་ཡོད་རུང་དེང་སང་ཕལ་ཆེ་གསེར་རྡུབ་རེད་འདུགདེ་བཟོ་མཁན་ཡང་རྒྱ་བོད་གཉིས་ཀའི་མགར་བ་ཡོད་ལ།བོད་ལ་མཚོན་ན་རྫ་སྟོད་ཀྱི་མགར་བཟོ་ལེགས་པར་བརྩི།གསེར་རྡུབ་ནི་དེང་དུས་ཀུན་གྱིས་དགའ་མོས་ལྟར་བྱས་པ་མ་གཏོགས་རི་མོའི་ཆ་ནས་གང་འདྲ་ཞིག་རྡུང་དགོས་པ་སོགས་ལ་སྲོལ་རྒྱུན་གྱི་ལུགས་སྲོལ་གྱི་ཆ་ནས་གཏན་འཁེལ་བ་ཞིག་མེད་པ་འདྲ།གཞན་བ་སོ་འདོགས་མཁན་ཡང་ཡོད་དེ།བ་སོ་ཡིས་གྲིབ་གེགས་སེལ་བར་བཤད།རྣ་ལུང་གི་ཆ་ནས་ཁྱད་པར་བ་ནི་བྲག་གཡབ་དང་གོ་འཇོའི་རྣ་ལུང་ཝ་རྡ་ཕྲ་མང་ཞེས་པ་འདི་ཡིན་ལ།ཝ་རྡ་ཞེས་པ་ནི་འདིར་ཁ་སྐད་ནང་གི་སྒྲ་གདངས་དེ་ཐད་ཀར་བཀོད་པ་ལས་དེའི་དག་ཆ་གསལ་ཁ་མ་བྱུང་།ཕྲ་མང་ཞེས་པ་ནི་རྣ་ལུང་གི་ཕྲ་གོང་ནང་ཕྲ་མང་པོ་བཞག་པའི་ངོས་ནས་མིང་གིས་ཐོགས་པ་རྟོགས་ནུས་ཤིང་།རྣམ་པའི་ཆ་ནས་ཕྲ་གཡུ་བཞག་ནས་དབྱིབས་ཅུང་ཆེ་ལ་མི་ཏོག་འདབ་མ་ཆེ་ཆུང་གཉིས་ཀྱིས་འོག་ཏུ་བརྒྱན་པ་ཞིག་ཡིན།ཆབ་མདོ་རྫོང་དང་བཅས་ཏེ་ཡུལ་ཁ་ཤས་ན་གསེར་གྱི་རྣ་ལུང་རིང་པོའི་ནང་བྱུ་རུ་དང་གཟི་བཞག་ནས་འདོགས་ཚུལ་ཡོད་རུང་དེའི་སྟེང་གི་རི་མོ་ལ་ཁྱད་པར་ཆེན་པོ་མེད།དེ་ནས་སྐེ་རགས་ནི་བལ་དང་།དལ་འཕྲུགརས་སོགས་ལས་གྲུབ།སྐེད་པ་ལ་ཆབ་མ་སྦང་ཚང་གིས་བརྒྱན་པའི་བཟོ་བལྟ་ནི་ཕོར་པ་མར་ཁ་སྦུབ་ནས་དེ་ཁ་ལ་ཆབ་ཏོག་བྱུ་རུ་བཞག་ནས་སྐེ་རགས་ལེབ་ལེབ་ཞིག་གི་ཐོག་ལ་སྦྱར་བ་དང་མཚུངས།འདི་ཁམས་ཡུལ་ཕལ་མོ་ཆེ་ཡིས་འདོགས།གྲི་ནི་བོད་མིའི་འཚོ་བ་དང་བསྟུན་ནས་རྗེས་སུ་བཞོ་བཟུང་ནང་བཞིན་རྒྱན་ཆ་རུ་གྱུར་སོང་བ་རེད།མདུན་དུ་འདོགས་པའི་གྲི་དེ་དགོས་མཁོ་ལ་དམིགས་པ་ལས་དེང་སང་གྲི་དང་གྲི་ཤུབས་ཀྱི་བཟོ་ལྟ་ཡག་པོ་ལ་བལྟས་ནས་རྒྱན་ཆར་དམིགས་ནས་འདོགས་མཁན་མང་།ཁོག་སྨད་ཀྱི་རྒྱན་ཆ་ད་དུང་ས་ལ་སིལ་འཕྲུག་ཞེས་པ་སྟེ་དངུལ་ལེབ་ལེབ་ཞིག་གི་འོག་ཏུ་དངུལ་ཐག་ཐུང་ཐུང་མང་པོ་མནར་བ་དེ་ལ་ཟེར།དེ་སྐེ་རགས་སུ་རྒྱུན་ནས་མདུན་གྱི་གཡས་གཡོན་གཉིས་ལ་རེ་རེ་བྱས་ནས་འདོགས།ལྷམ་གྱི་ཆ་ནས་རྐོང་མགོ་ཞེས་པ་འདིའི་བཟོ་སྤུས་ནི་ཡག་ཤོས་སུ་རྩི།རྡོག་བརྩེགས་དེ་རྐོ་བ་དྲུག་མཉམ་དུ་སྦྱར།རྡོག་རྐྱང་རྐོ་བ་གཅིག་གི་རྡོག་པ།རས་མགོ་ནང་རས་ཕྱི་རས་ཡིན་པ་ཞིག་དང་དམངས་ཁྲོད་དུ་བཤད་པའི་རྒྱ་བཟའ་ཀོང་ཇོས་བོད་ལ་ཁྱེར་ཡོང་བ་རེད་ཞེས་པ་ལྷམ་ཆུང་འབུ་ལ་འཇའ་ཤིས་ཞེས་པ་ཞིག་ཡོད།ལྷམ་རིགས་ལ་ཀོ་ལྷམ་དང་འཕྲུག་ལྷམ།རྡོག་བརྩེགས་ལ་སོགས་པའི་རིགས་མང་།

支持此新闻
返回首页

དཔྱད་བརྗོད་སྤེལ་བ། ད་ལྟ་བསྡོམས་པའི་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།
ནང་དོན་གསར་ཤོས།
རྡེབ་ཚད་མང་ཤོས།
མཉམ་སྤྱོད་བྱེད་གནས།