༄༅།། གཙང་ཁུལ་གཉེན་སྒྲིག་རྟེན་འབྲེལ་བྱེད་སྲོལ།
སྤེལ་དུས།  2017-11-23  རྡེབ་ཚད།   ཡོང་ཁུངས། ཉན་སའི་དྲ་ཚིགས།  རྩོམ་པ་པོ། བཤད་པ་གཏོང་མཁན། ཕུ་རྡོར།  རྩོམ་སྒྲིག་པ། lobsang

640.webp (2).jpgX9V

དང་པོ། རྟེན་གཙོ་ལ་བཤད་པ། X9V

ཉི་མ་དེ་རིང་གནམ་ལ་སྐར་མ་གང་ཡང་བཟང། ས་ལ་ཉི་མ་དྲོ་ཡང་དྲོ། བར་དུ་དུས་ཚེས་རྒྱུ་སྐར་འཛོམས། གནམ་སྔོ་མོ་འཁོར་ལོ་རྩིས་བརྒྱད་འོག། ས་གཡང་ཆགས་པད་མ་འདབ་བརྒྱད་སྟེང། བར་དུ་མི་འགྱུར་རྣམ་རྒྱལ་ཁང་བཟང་ལ། ལོགསརིས་བཀྲ་ཤིས་རྟགས་བརྒྱད་བརྒྱན་པའི་དུས་འདིར་རྒྱལ་བའི་སྐུ་གསུང་ཐུགས་ལ་མགུལ་དར་འདི་འབུལ་ལོ། X9V

གཉིས་པ། འབོ་བྲེ་ལ་བཤད་པ།X9V

ལྷོ་ནས་ཐོན་པའི་གཤིན་གཤིན་རྗེའི་འབོ། སྔར་ཡང་འབོལ་ལ་ད་ཡང་འབོལ། སྔར་འབོལ་དར་འབོལ་ཡོངས་བའི་རྟེན་འབྲེལ་བྱུང། དེ་ཡི་ནང་དུ་བླུགས་པའི་རྒྱ་གྲོ་དཀར་པོ་འདི། ཞལ་དྲོ་ལ་འཇུག་པའི་གྲོ། དེ་ཡི་སྟེང་དུ་བཞག་པའི་ཤེལ་ཚྭ་དཀར་པོ་འདི། བྱ་བ་ཐམས་ཅད་ཚགས་དུ་ཚུད་པའི་ཚྭ། ཕྱེ་མརགངས་དཀར་ཏི་སི་ལ། མར་ཡས་ཚང་པའི་ལྔ་ལྡན་ཡོད། དཀར་ཕྱོགས་བརྒྱལ་བའི་འཕྲིན་ལས་མཛོད། འདི་ཡི་སྟེང་དུ་གཟེར་བའི་མདའ་དར་ཚོན་སྣ་ལྔ་འདི། ལྷོ་རོང་སྨྱུག་མའི་དར་དང་གཅིག། རིན་ཆེན་ལྕགས་ཀྱི་དེའུ་དང་གཉིས། བྱ་རྒྱལ་རྒོདཔོའི་གྲོ་དང་གསུམ། གསལ་བྱེད་དངུལ་དཀར་མེ་ལོང་བཞིན་མཛེས་དང། སྐེད་བཅིངས་དར་ཚོན་སྣ་ལྔ་བཅིངས། མདའ་འདི་ཚངས་པའི་ལྔ་ལྡན་ཟེར། རྒྱ་དར་དྲི་མེད་རབ་དཀར་འདི། མདའ་དར་ཁྱེད་ལ་བསྒྲོན་པ་ཡིན། X9V

གསུམ་པ། ཀ་བ་ལ་བཤད་པ།X9V

ཤར་སྐྱེལ་ཚལ་ཀླུ་ལྡིང་ནས་གདན་དྲངས་པའི། ཀ་བ་འདི་ལ་ཀ་དར་བསྒྲོགས་པ་ལ། ཀ་རབས་བཅུ་གསུམ་ཚངས་བ་དགོས། དང་པོ་ཀ་གདན་ནོར་བུའི་རྡོ་དང་གཅིག། ཀ་བ་བྲེ་དང་ཕྲེང་བ་གསུམ། གཞུ་རིང་གཞུ་ཐུང་པད་སྡོད་ཁ། མོ་འཕྲེང་པད་མ་ཆོས་བརྩེགས་ཡོད། ཀ་རབས་བཅུ་གསུམ་དེ་ཡི་ཚངས། ཕོ་ཟོག་གསེར་གྱི་ཀ་བ་ལ། ཀ་བ་མི་འགྱུར་བརྟན་དུ་བཞུགས། ལྕམ་ཤིང་བྲལ་མ་བུ་ནོར་འཛོམས། དེ་སྔར་འཛོམས་ལ་ད་ཡང་འཛོམས། འཛོམས་གསུམ་འགྱུར་བ་མེད་པའི་ཀ་དར་འདི། ཀ་བའི་མགོ་ནས་བཏང་ཙ་ན། ཀ་ཞབས་མ་ལ་ཉི་ལི་ལི། དར་འཛིན་པ་ཡི་རྟ་མགོ་ནོར་བུ་མེ་འབར་ལ་འབུལ་ལོ།X9V

བཞི་པ། ཆང་སྣོད་འཁྱིལ་ལ་བཤད་པ།X9V

འཁྱིལ་ཞབས་ཨོ་རྒྱན་སྒོ་མོ་ལ། མར་ཡས་ཚངས་པའི་ལྔ་ལྡན་ཡོད། ཕྱི་ནས་བལྟས་ན་རི་བོ་བཙུགས་པ་འངྲ། ནང་ནས་བལྟས་ན་རྒྱ་མཚོ་བགྱིང་པ་འདྲ། ཕྱི་རྟ་ལྔ་ཙམ་གྱི་གས་ཆགས་མེད། ནང་ཉུང་དཀར་ཙམ་གྱི་རྡིབ་ཞོམས་མེད། ན་ནིང་བཙོས་པའི་ལོ་ཆང་གར་མ་ཡོད། ད་ལོ་བཙོས་པའི་འབྲས་ཆང་བསིལ་མ་ཡོད། བདུད་རྩི་ལྟ་བུའི་བཅུད་གཅིག་ཡོད། ཨ་རག་ལྟ་བུའི་གར་རྩི་ཡོད། ཕྱི་ཨོ་རྒྱན་པད་མའི་བདུད་རྩི་ཉན་པ་དང། ནང་མི་ལ་རས་པའི་ཚེ་ཆང་ཉན་པ་ཡོད། དེ་ཡི་འགྲམ་དུ་བཞག་པའི་སྦུ་རྐྱ་སྨུག་མ་ཚིག་གསུམ་འདི། དང་པོ་འཁྲུངས་པ་རྩ་རིའི་ནགས་སུ་འཁྲུངས། དེ་རིང་བྱོན་པ་གནས་ཁང་དེ་རུ་བྱོན། གཡས་སྐོར་ལན་གསུམ་བརྒྱབ་ཙ་ན། སྦུ་ཁ་གཡས་སུ་འཁྱིལ་བ་དང། གཡོན་སྐོར་ལན་གསུམ་བརྒྱབ་ཙ་ན། སྦུ་ཁ་གཡོན་སུ་འཁྱིལ་བ་ཡོད། སྐེད་པ་སྟག་ཤར་གཞོན་པའི་མདའ་སྨྱུག་དང། རྩེ་མོ་གནས་ཁང་འདི་འབུ་ཤིང་ཉན་པ་ཡོད་པས་བཀྲ་ཤིས་པའི་མགུལ་དར་འདི་འབུལ་ལོ། X9V

ལྔ་པ། འཛུགས་ཤ་ལ་བཤད་པ།X9V

སྔོམ་དུས་ཆོས་རྒྱལ་སྲོང་བཙན་སྒམ་པོ་ཡི། རྒྱ་བཟའ་ལྷ་ཅིག་ཁབ་ཏུ་གདན་འདྲེན་སྐབས། མི་རྒྱུད་བཙུགས་པའི་རྟེན་འབྲེལ་འདི་ལྟར་ལགས། ཚུགས་མི་ཟེར་བཙུགས་ཟེར། མི་རྒྱུད་རྩ་བ་བཙུགས་པ་ཟེར། བསྐང་པ་མི་ཟེར་ཁེངས་པ་ཟེར། རྒྱུ་ནོར་ཁེངས་པའི་ཁེངས་པ་ཟེར། གཞུ་གུ་མི་ཟེར་མཇུག་མ་ཟེར། མི་རྒྱུད་ཆུ་ལས་རིང་བའི་མཇུག་མ་ཟེར། མཚང་ར་མི་ཟེར་ཚང་པ་ཟེར། ལོངས་སྤྱོད་ཚང་པའི་མཚང་ར་ཟེར། ལོང་མི་ཟེར་ལྷོང་ཞེས་ཟེར། འདོད་དོན་ལམ་དུ་ལྷོང་བ་ཟེར། ཚིག་མི་ཟེར་རྩེག་པ་ཟེར། རྒྱ་ཇའི་བརྩིགས་པ་རྩེགས་པ་ཟེར། སྐེད་པ་མི་ཟེར་སྐྱེས་པ་ཟེར། པང་བུ་བཟང་སྐྱེས་པའི་སྐྱེས་པ་ཟེར། སོག་པ་མི་ཟེར་གསོག་པ་ཟེར། རྒྱུ་ནོར་གསོག་པའི་སོག་པ་ཟེར། ལག་པ་མི་ཟེར་ལྷག་པ་ཟེར། གཞན་གང་ལས་ལྷག་པ་ཟེར། བྲང་མི་ཟེར་དྲང་བ་ཟེར། གཤིས་རྒྱུད་མདའ་ལས་དྲང་བའི་དྲང་པོ་ཟེར། འཇིངས་པ་མི་ཟེར་འགྱིངས་པ་ཟེར། ཕྱི་དགྲ་བོའི་ཐོག་ཏུ་འགྱིངས་པ་ཟེར། མགོ་མི་ཟེར་མགོན་པོ་ཟེར། ཉམ་ཐག་སྐྱོབ་པའི་མགོན་པོ་ཟེར། ད་ཡང་གཡང་མོ་ཁྱེད་དབྱར་གྱི་དུས་སུ་རྩྭ་སྣ་གང་འཛོམས་ཟས། དགུན་གྱི་དུས་སུ་ཆུ་སྣ་གང་འཛོམས་འཐུང། ནམ་བཞག་རྒྱུན་དུ་སྤང་གཞོང་བདེ་མོར་སྐྱིད་ཉལ་བརྒྱབ། ལྷས་ར་གྲུ་བཞིའི་ནང་དུ་ར་རྩེ་ངོམས། དེ་རིང་བཞུགས་གྲལ་འདིའི་རྒྱན་ཡིན་པས་བཀྲ་ཤིས་པའི་སྐྱིད་ཉལ་གཅིག་བརྒྱབ་ཤོག་ཨང་། X9V

དྲུག་པ། ཡབ་ཆེན་ལ་བཤད་པ།X9V

ཡབ་ཆེན་ཁྱེད་ནི་གངས་རི་དཀར་པོ་འདྲ། གངས་རི་དཀརཔོའི་པད་མ་འདབ་སྟོང་བརྒྱས། འདབ་སྟོང་རྒྱས་ནས་ངང་པ་ལྷ་སྲས་འཁྲུངས། ལྷ་སྲས་ཐུགས་འཛིན་ངང་ལ་བཀྲ་ཤིས་པའི་མགུལ་དར་འདི་འབུལ་ལོ།X9V

བདུན་པ། ཡུམ་ཆེན་ལ་བཤད་པ། X9V

ཡུམ་ཆེན་ཁྱེད་ནི་མ་ཕམ་གཡུ་མཚོ་འདྲ། མ་ཕམ་གཡུ་མཚོའི་པད་མ་འདབ་སྟོང་རྒྱས། འདབ་སྟོང་རྒྱས་ནས་ངང་པ་ལྷ་སྲས་འཁྲུངས། ལྷ་སྲས་ཐུགས་འཛིན་ངང་ལ་བཀྲ་ཤིས་པའི་མགུལ་དར་འདི་འབུལ་ལོ། X9V

བརྒྱད་པ། བུ་ལ་བཤད་པ།X9V

སྨྲ་བའི་ངག་གི་དབང་ཕྱུག་འཇམ་དབྱངས། དབྱངས་ཅན་ལྷ་མོའི་བཙུགས་ལ་འདོད་འཇོའི་དཔལ་ལྡན་ཚངས་པ་སྡེ་བཞིའི་བང་མཛོད་འཛིན། འཛིན་མོའི་མངའ་བདག་རྣམས་ཀྱི་ཤེས་པར་བྱ། ལྷ་སྲས་ཁྱེད་ནི་ལྗོན་པའི་སྲས་ཕོ་འདྲ། ཕོ་རྒོད་བརྒྱ་ཡི་ཁྱུ་རྒྱན་ཡིན། དཔའ་བོ་སྟོང་གོ་སྲོག་དར་ཡིན། ཤར་རྒྱན་ན་བཀྲ་ཤིས་ཁྲི་འཁོར་ནས་གདན་དྲངས་པའི། རྒྱ་དར་དྲི་མེད་རབ་དཀར་འདི། ཕྱི་ལ་བཀྲ་ཤིས་རྟགས་བརྒྱད་ཡོད། ནང་དུ་གཡུ་འབྲུག་ཚངས་ཉལ་ཡོད། མཐོ་ནམ་མཁའ་ཡ་ལ་འཕྱར་ཙ་ན། ནམ་མཁའ་འཇའ་ཡི་ཁེངས་པའི་རྟེན་འབྲེལ་ཡོད། དམའ་ས་གཞི་མར་ལ་འཕྱར་ཙ་ན། ས་གཞི་ནོར་གྱི་ཁེངས་པའི་རྟེན་འབྲེལ་ཡོད། བར་བཞུགས་གྲལ་འདི་རུ་འཕྱར་ཙ་ན། བཞུགས་གྲལ་འོད་ཀྱི་ཁེངས་པའི་རྟེན་འབྲེལ་ཡོད། དེ་རིང་ལྷ་སྲས་ཁྱེད་ལ་བསྒྲོན་པ་ཡིན། ན་མོ་ཀྱི་ཀྱི་སའོ་སའོ་ལྷ་རྒྱལ་ལོ། X9V

དགུ་པ། མནའ་མ་ལ་བཤད་པ།X9V

གནས་ནོར་འཛིན་ཡངས་པའི་ཁྱིམ་འཛིན་མ། ཁྱེད་མི་དང་མི་འདྲ་ལྷ་ཡི་སྲས་མོ་འདྲ། བརྒྱ་ཡི་དཀྱིལ་ནས་སྒྲུག་པ་ཡིན། སྟོང་གི་དཀྱིལ་ནས་བདམས་པ་ཡིན། བརྒྱ་སྟོང་གཉིས་ཀྱི་ཁྲི་ལ་བྱོན། གཙོ་བོ་ཡབ་ཡུམ་གཉིས་ལ་གིས་ཞབས་མཛོད། ཡང་སྒོས་སྲས་པོ་རྣམས་ལ་སྐྱོང་དར་མཛོད། ཕར་ལ་ཕེབས་དུས་སྤྱན་གྱི་སྐྱེལ་མ་མཛོད། ཚུར་ལ་ཕེབས་དུས་སོ་དཀར་འཛུམ་གྱིས་བསུས། བུ་གསུམ་སྤང་དུ་ལོན་པའི་བཀྲ་ཤིས་པའི་མགུལ་དར་འདི་འབུལ་ལོ།།X9V

支持此新闻
返回首页

དཔྱད་བརྗོད་སྤེལ་བ། ད་ལྟ་བསྡོམས་པའི་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།
ནང་དོན་གསར་ཤོས།
རྡེབ་ཚད་མང་ཤོས།
མཉམ་སྤྱོད་བྱེད་གནས།