༄༅།།བོད་ཡིག་སློབ་ཚན་ལ་བཤད་ཁྲིད་བྱེད་སྟངས་ཅུང་ཙམ་གླེང་བ་ཤེས་རབ་སྒྲོན་མེ།
སྤེལ་དུས།  2013-12-24  རྡེབ་ཚད།   ཡོང་ཁུངས། བོད་ཀྱི་སློབ་འབྲིང་དྲ་བ།  རྩོམ་པ་པོ།  ཨ་འབུམ་བློ་བཟང་དམ་ཆོས།  རྩོམ་སྒྲིག་པ། lobsang

      འདིར་བོད་ཡིག་བཤད་ཁྲིད་ཀྱི་རྩ་བའི་རེ་འདུན་མདོར་བསྡུས་ལག་ཏུ་ལེན་བདེ་ཞིག་བཤད་པ་ལ།u9Z
      དང་པོ།   བཤད་ཁྲིད་ངོས་འཛིན།u9Z

      བཤད་ཁྲིད་ཟེར་བ་ནི་རྒྱ་ཡིག་གི་说课ཟེར་བ་འདི་ཐད་བསྒྱུར་བྱས་པ་ཞིག་ཡིན་ཞིང་།  འདི་ནི་དགེ་རྒན་གྱིས་སློབ་ཚན་ཞིག་སློབ་མར་ཇི་ལྟར་སློབ་ཁྲིད་བྱེད་རྒྱུའི་དགེ་རྒན་གྱི་སློབ་ཁྲིད་ནུས་པར་བལྟ་སྟངས་ཅིག་ཡིན།u9Z

      གཉིས་པ། བཤད་ཁྲིད་ཀྱི་གལ་ཆེན་རང་བཞིན།u9Z

      སློབ་ཚན་ཅིག་སློབ་ཁྲིད་བྱེད་པ་ལ་སློབ་ཚན་དེ་ཇི་ལྟར་ཁྲིད་པ་ནི་དགེ་རྒན་གྱིས་རྩ་བའི་ཐད་ནས་བསམ་གཞིགས་ནན་ཏན་བྱེད་དགོས་པ་ཞིག་ཡིན་ཞིང་།བཤད་ཁྲིད་ཀྱི་ཁ་གཏད་ས་ནི་དགེ་རྒན་དང་དགེ་རྒན་བར་སློབ་ཁྲིད་ཀྱི་ཉམས་མྱོང་བརྗེ་རེས་བྱེད་པ་དང་།ཆེད་ལས་པས་དགེ་རྒན་གྱི་སློབ་ཁྲིད་སྤུས་ཚད་ལ་ཚད་འཇལ་གྱི་གཞི་ལྟ་བུ་ཞིག་ཡིན།དེ་བས་བཤད་ཁྲིད་ཇི་ལྟར་བྱེད་ཤེས་ན་དགེ་རྒན་དེའི་སློབ་ཁྲིད་ཀྱི་ནུས་པ་དང་ཕན་འབྲས་ཀྱང་དེ་བཞིན་ཐོན་ཐུབ་པ་རེད།                 སྤྱིར་བཏང་བཤད་ཁྲིད་བྱེད་སྟངས་རང་རྒྱལ་དུ་ལག་ལེན་བཏབ་པའི་དུས་ཚོད་ཧ་ཅང་མང་པོ་འགོར་མེད་ན་ཡང་།  ང་ཚོ་བོད་སྐད་ཡིག་ལ་བཤད་ཁྲིད་ཀྱི་རྣམ་པ་འདི་དུས་ཡུན་ཧ་ཅང་ཐུང་ཐུང་ཞིག་སྟེ།  ཉིས་སྟོང་བཞི་ལོར་མཚོ་སྔོན་ནས་ལག་བསྟར་བྱས་ཤིང་།རང་རེ་དཀར་མཛེས་ཁུལ་ལ་ཉིས་སྟོང་ལྔ་ནས་རིམ་གྱིས་ལས་བྱེད་རྒྱུགས་ལེན་གྱི་ཁ་རྒྱུགས་ནས་སློབ་གྲྭའི་སློབ་གསོ་ལ་ཕྱོགས་ནས་ཡོང་བ་དང་།  ད་ལྟ་རང་རེའི་བོད་ཡིག་དགེ་རྒན་རྒན་རབས་པ་མང་པོས་མཐོང་ཐོས་མ་བྱུང་ཟེར་མཁན་ཡང་འདུག དེས་ན་དེང་རབས་ཀྱི་ཁྱད་ཆོས་ལྡན་ལ་སློབ་གསོའི་ཆོས་ཉིད་དང་རིག་པའི་འགྲོས་དང་མཐུན་པའི་སློབ་ཚན་བཤད་ཁྲིད་འདི་ནི་བོད་ཡིག་དགེ་རྒན་རྣམས་ཀྱིས་དང་དོད་བྱེད་དགོས་རྒྱུའི་གནད་ཞིག་རེད།u9Z

      གསུམ་པ།  བཤད་ཁྲིད་ལ་ཚང་དགོས་པའི་རྩ་བའི་དོན་ཚན།u9Z

དང་པོ།  སློབ་དེབ་ལ་དབྱེ་ཞིབ་བྱེད་པ།༼སློབ་དེབ་ཀྱི་གོ་གནས་དང་ཕན་ནུས་སྐོར༽u9Z
གཉིས་པ།  སློབ་ཁྲིད་ཀྱི་དམིགས་ཚད་བཤད་པ།u9Z
དེ་ལ་ཡང་དོན་ཆུང་གསུམ་གྱིས་བཤད་དགོས་པ་སྟེ།u9Z
༡ ཤེས་བྱ་དང་ནུས་པའི་དམིགས་ཚད།u9Z
༢ བརྒྱུད་རིམ་དང་ཐབས་ཤེས།u9Z
༣ བརྩེ་སེམས་དང་རིན་ཐང་ལྟ་ཚུལ།u9Z
གསུམ་པ།   སློབ་ཁྲིད་ཀྱི་དཀའ་གཙོ་གནད།u9Z
བཞི་བ།   དགེ་རྒན་གྱིས་ཁྲིད་ཐབས།u9Z
༡ ཐད་ཁྲིད་ཀྱི་རྣམ་པ་སྤྱོད་པ།u9Z
༢ ཞིབ་བསྡུར་གྱི་བྱེད་ཐབས་སྤྱོད་པ།u9Z
༣ ཚན་ཆུང་དགར་བའི་བྱ་འགུལ།u9Z
ལྔ་བ།    སློབ་མས་སྦྱོང་ཐབས།u9Z
དྲུག་པ།    སློབ་ཁྲིད་ཀྱི་གོ་རིམ།u9Z
༡ སློབ་ཁྲིད་གསར་བར་འདྲེན་པ།u9Z
༢ སློབ་ཁྲིད་གསར་བར་ཞུགས་པ།u9Z
༣  སློབ་ཚན་ངོ་སྤྲོད།u9Z
༤ སློབ་ཚན་གྱི་བརྗོད་བྱ་གཙོ་བོ།u9Z
༥ ཤེས་བྱ་ཕྱོགས་བསྡུས།u9Z
༦  སློབ་ཐུན་ཕྱོགས་བསྡུས།u9Z
༧  ལས་བྱ་བཀོད་སྒྲིགu9Z
༨  སྒོ་སམ་ཇུས་འགོད།u9Z
བདུན་པ།   བཀོད་སྒྲིག་གི་བསམ་ཚུལ།u9Z
འདི་དག་ནི་རྩ་བའི་རེ་འདུན་དང་ཚང་དགོས་པའི་དོན་ཚན་ཡིན་པ་དང་།ལས་དང་པོ་བས་བྱེ་བྲག་གི་དོན་ཚན་སོ་སོར་བཤད་མ་ཐུབ་ན་ཡང་སྐྱོན་ཆེན་པོ་མེད།  ཡིན་ན་ཡང་།  སློབ་ཁྲིད་ཀྱི་དམིགས་ཚད།   སློབ་ཚན་གྱི་དཀའ་གཙོ་གནད།སློབ་མས་སྦྱོང་ཐབས་དང་དགེ་རྒན་གྱིས་ཁྲིད་ཐབས་བཅས་ནི་ངེས་པར་དུ་མ་བཤད་ཐུ་མེད་ཡིན་པས་བཤད་ཁྲིད་དགེ་རྒན་ལས་དང་པོ་བས་གོ་རིམ་མ་འཆོལ་བ་བྱེད་རྒྱུ་གལ་ཆེ།u9Z

      བཞི་བ།  བཤད་ཁྲིད་སྐབས་ཀྱི་བླང་བྱ།u9Z
      སྤྱིར་བཏང་བཤད་ཁྲིད་བཤད་སྟངས་རྒྱས་བསྡུས་དུ་མར་མཐོང་ཡང་གཙོ་ཆེར་གོང་དུ་མ་འདུས་པ་ཕལ་ཆེར་མེད་པ་དང་།གཞན་བཤད་ཁྲིད་དགེ་རྒན་གྱིས་བཤད་ཁྲིད་བྱེད་སྐབས་སྨྲ་བརྗོད་དག་ཅིང་ཚིག་འགྲོས་ལེགས་པའི་སྐད་ཀྱིས་བཤད་རྒྱུ་གལ་ཆེ་ཞིང་།  བཤད་ཁྲིད་ཀྱི་གོ་རིམ་ཁྲོད་དགེ་རྒན་རང་གི་ཕྱོགས་འདུས་ནུས་པ་སྟེ།  ཤེས་བྱ་དང་ལག་ལེན།  བྱ་བྱེད་དང་ཀུན་སྤྱོད།  རྣམ་འགྱུར་དང་སྤུས་ཚད་བཅས་ཐོན་གྱི་ཡོད་པས་སྔ་ཕྱིའི་གོ་རིམ་འཕྲོད་ཅིང་རིག་ལམ་གྱི་འགྲོས་དང་མཐུན་པར་བྱེད་པ་དང་།སྤྱིར་བཏང་སྐར་མ་བཞི་བཅུ་ནང་ཁྲིད་རྒྱུ་དེ་སྐར་བཅོ་ལྔའི་ནང་བཤད་ཚར་དགོས་པས་དུས་ཚོད་བཀོད་སྒྲིག་ལེགས་པོ་བྱེད་དགོས།  ལྷག་པར་སེམས་ཁམས་སྙོམས་སྒྲིག་ལེགས་པོ་བྱེད་པ་དང་།  འདིས་དགེ་རྒན་ཞིག་གི་སེམས་ཁམས་བདེ་ཐང་རིག་ལམ་གསལ་པོ་ཡིན་པ་མངོན་ཐུབ་པས་འཚབ་འཚུབ་མེད་པ་གྱིས་ཤིག            ཞེས་པ་འདི་ནི་རང་རིགས་གཞོན་ནུ་རྣམས་ལ་ལྷག་བསམ་དཀར་པོར་འཆང་མཁན་དགེ་མིང་འཛིན་པ་ཨ་འབུམ་བློ་བཟང་དམ་ཆོས་སུ་འབོད་པས་སྦ་གསང་མེད་པར་རང་གི་མྱོང་བ་དང་ལག་ལེན། གཞུང་ལུགས་ཀྱི་དགོངས་པ་ལས་མདོར་ཙམ་སྨྲས་པ་འདིས་ཀུན་ལ་ཕན་ཐོགས་པར་གྱུར་ཅིགu9Z

1.jpgu9Z

རྩོམ་པ་པོ་ཨ་འབུམ་བློ་བཟང་དམ་ཆོས་ཀྱི་ཉེ་པར།u9Z

支持此新闻
返回首页

དཔྱད་བརྗོད་སྤེལ་བ། ད་ལྟ་བསྡོམས་པའི་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།
ནང་དོན་གསར་ཤོས།
རྡེབ་ཚད་མང་ཤོས།
མཉམ་སྤྱོད་བྱེད་གནས།