༄༅།། བོད་ཡིག་གི་ཤད་ཁག་ཇི་ལྟར་འབྲི་དགོས་པ་ཤེས་སམ།
སྤེལ་དུས།  2017-12-16  རྡེབ་ཚད།   ཡོང་ཁུངས། གངས་ལྗོངས་ཉི་གཞོན་དྲ་བ།  རྩོམ་པ་པོ། མི་གསལ།  རྩོམ་སྒྲིག་པ། lobsang

རྩ་བའི་ཚིགASm

ཡི་གེའི་མགོ་རྒྱན་དབུ་ཁྱུད་དེ།།ASm

དང་ཀྱོག་བེརྒ་ཞེས་ཀྱང་ཟེར།།ASm

ཤད་ལ་ཆིག་ཤད་ཉིས་ཤད་དང་། །ASm

བཞི་ཤད་སྦྲུལ་ཤད་ཚེག་ཤད་དང་། །ASm

རིན་ཆེན་སྤུངས་ཤད་བཅས་ཏེ་དྲུག །ASm

གཏེར་ཡིག་ཚེག་ཤད་ཅེས་པའང་ཡོད། །ASm

གོ་དོན། ཡི་གེའི་མགོ་རྒྱན་ནམ་དབུ་ཁྱུད། ཡང་ན་དང་ཀྱོག བེརྒ་ཞེས་མིང་སྣ་ཚོགས་སུ་བཏགས་པ། དེང་གི་ཆར་ཡིག་མགོ་ཞེས་ཟེར་བ་འདི་ལ། དབུ་ཅན་གྱི་ཡིག་མགོ་དང་དབུ་མེད་ཀྱི་ཡིག་མགོ་ཁག་གཉིས་ཡོད་པའི་དབུ་ཅན་གྱི་ཡིག་མགོ་ནི་༄༅།།འདི་ལྟ་བུ་ཡིན། ཡིག་མགོ་འབྲི་སྐབས། ཡིག་ཕྲེང་གི་མགོར་འབྲི་བ་མ་གཏོགས་དཀྱིལ་དང་མཇུག་ཏུ་འབྲི་མི་རུང་། དབུ་ཅན་གྱི་ཤད་ནི་དབྱིབས་ཕུར་པ་འདྲ་བ་ཡོད་པས་ན་ཕུར་ཤད་ཟེར། དེ་ལ་ཆིག་ཤད། ཉིས་ཤད། བཞི་ཤད། སྦྲུལ་ཤད། ཚེག་ཤད། རིན་ཆེན་སྤུངས་ཤད། གཏེར་ཚེག་བཤས་ཡོད་པའི་ནང་གི་ཆིག་ཤད ། ནི་འདི་ལྟ་བུ། ཉིས་ཤད་ནི །། ལྟ་བུ། བཞི་ཤད་ནི །།།། ལྟ་བུ། སྦྲུལ་ཤད་ནི་༒ལྟ་བུ། རིན་ཆེན་སྤུངས་ཤད་ནི༑ ལྟ་བུ། གཏེར་ཚེག་ནི ༔ ལྟ་བུ།ASm

 ASm

རྩ་བའི་ཚིགASm

དབུ་ཅན་ལ་ནི་ཕུར་ཤད་དེ།།ASm

དབུ་མེད་ལ་ནི་མཚམས་རེ་ཐོབ།།ASm

ཕྲེང་མགོར་ཡིག་རྡོག་གཅིག་བྱུང་ཚེ།།ASm

སྤུངས་ཤད་གཅིག་དང་ཕྱི་རྐང་གསུམ།།ASm

བྱུང་ཚེ་སྤུངས་ཤད་གཅིག་སྦྱོར་དགོས།།ASm

ལྷུག་པའི་དོན་མང་མིང་མཚམས་དང་།།ASm

དོན་འབྲིང་འབྱེད་དང་དོན་ཉུང་རྫོགས།།ASm

ཚིགས་ཅད་ག་མཐར་ཆིག་ཤད་ཐོབ།།ASm

རྫོགས་ཚིག་མཐའ་ཅན་ལྷུག་པ་དང་།།ASm

ཚིགས་ཅད་རྐང་མཐར་ཉིས་ཤད་ཐོབ།།ASm

སྡེ་ཚན་ཆེན་མོ་རྫོགས་པ་དང་།།ASm

ལེའུའི་མཚམས་སུ་བཞི་ཤད་དགོས།།ASm

ང་ཡིག་མ་གཏོགས་ཡིག་ཤད་དབར།།ASm

ཚེག་མེད་དེ་ལྟར་ངེས་པར་བྱ།།ASm

གོ་དོན། ༡ དབུ་ཅན་གྱི་སྐབས་སུ་ཡིག་ཕྲེང་གི་ཚིག་སྔོན་མའི་ཚིག་མཇུག་གི་ཡི་གེ་ཚེག་བར་གཅིག་ལུས་ཡོད་ན་རིན་ཆེན་སྤུངས་ཤད་གཅིག་ཐོབ་པ་དང་།  དེ་བཞིན་ཡིག་ཕྲེང་གི་མཇུག་ཏུ་ཚིག་གི་མགོའི་ཡི་གེ་ཚེག་བར་གསུམ་ཐོན་ཡོད་ན། ཚིག་སྔ་མའི་མཇུག་ཏུ་རིན་ཆེན་སྤུངས་ཤད་གཅིག་ཐོབ་པ་ཡིན།ASm

༢ དབུ་ཅན་ཚིག་ལྷུག་གི་དོན་ཚན་མང་པོ་ཡོད་པའི་མིང་ཚིག་སྔ་ཕྱིའི་བར་ཤད་གཅིག་དང་། དབུ་མེད་ལ་མཚམས་རེ་ཐོབ་པ་ཡིན་ཏེ། དཔེར་ན། ཤིང་མཁན་ནི་བྱེད་པ་པོ། སྟ་རེ་ནི་བྱེད་པ། ཤིང་ནི་ལས། ཞེས་པ་ལྟ་བུ། དབུ་མེད་ལ་མཚམས་ཐུང་རེ་ཐོབ།ASm

༣ གཞན་ཡང་མིང་ཚིག་དོན་སྔ་ཕྱིའི་དོན་མང་ཉུང་འབྲིང་པོའི་དབང་དུ་བྱས་པ་དབྱེ་གཞི་ལས་དབྱེ་བྱ་འབྱེད་པ་ལྟ་བུ་དང་། དོན་ཉུང་བ་རྣམས་ཀྱི་མིང་ཚིག་གི་མཐར་དབུ་ཅན་ཡིན་ཚེ།  ཆིག་ཤད་དང་། དབུ་མེད་ལ་མཚམས་རེ་ཐོབ་པ་ཡིན་ཏེ། དཔེར་ན། བོད་ལ་ཡོངས་སུ་གྲགས་པའི་གྲུབ་མཐའ་བཞི་སྟེ། རྙིང་མ་དང་། ས་སྐྱ་དང་།བཀའ་རྒྱུད་པ་དང་། དགེ་ལུགས་པ་བཅས་ཏེ།ཞེས་པ་ལྟ་བུ།ASm

༤ དབུ་ཅན་གྱི་ཚིགས་བཅད་ག་ཡིག་གི་མཐའ་ཅན་ལ་ཆིག་ཤད་ཐོབ་པ་ནི་དཔེར་ན། འོད་གསལ་སྒྲོན་མེ་འབར་བའི་དཔལ་ལྡན་ཞིང་།། མྱུར་མགྱོགས་རླུང་གི་ཤུགས་འཆང་གྲུ་གཟིངས་ཞིག། ཅེས་པ་ལྟ་བུར། རྗེས་འཇུག་ག་ཡིག་གི་རྐང་པས་ཤད་གཅིག་གི་གོ་ཆོད་པ་ཡིན།ASm

༥ རྫོགས་ཚིག་མཐའ་ཅན་གྱི་ཚིག་ལྷུག་དང་ཚིགས་བཅད་གང་ཡིན་གྱི་རྐང་པའི་མཐར་དབུ་ཅན་ཡིན་ན། ཤད་གཉིས་རེ་དང་། དབུ་མེད་ཡིན་ན། མཚངས་རིང་རེ་ཐོབ་པ་ཡིན། དཔེར་ན། ཚིགས་ཅད་ལ། ནམ་འཕང་གཅོད་པའི་ཐང་དཀར་རྒོད་པོ་ཡིས།། དགུང་སྔོན་དབྱིངས་ནས་གཤོག་རྩལ་གང་དགར་ངོམས།། ཞེས་པ་ལྟ་བུ།ASm

༦ སྡེ་ཚན་ཆེན་མོ་གཅིག་རྫོགས་པ་དང་། དེ་མིན་ལེའུའི་མཚམས་སུ་དབུ་ཅན་ཡིན་ན། བཞི་ཤད་རེ་ཐོབ་པ་ཡིན་ཏེ། དཔེར་ན། བོད་ཀྱི་རྒྱལ་རབས་བྱུང་ཚུལ་གསལ་བའི་མེ་ལོང་ཞེས་བྱ་བ་རྫོགས་སོ།།།།ཞེས་པ་ལྟ་བུ། བོད་དུ་ཡི་གེ་དར་ཚུལ་བཤད་པའི་ལེའུ་སྟེ་གསུམ་པའོ།།།།  ཞེས་པ་ལྟ་བུ།ASm

༧ ཡང་དབུ་ཅན་ཚིགས་བཅད་ཚིག་ལྷུག་གང་ཡིན་ཡང་ཡི་གེ་ང་མཐའ་ཅན་ལ་མཚམས་འཇོག་དགོས་པ་བྱུང་ཚེ་ཡི་གེ་ང་དང་ཤད་ཀྱི་བར་ཚེག་སྦྱོར་དགོས་སྟེ། དེ་མ་སྦྱར་ན་ང་ཡིག་གི་རྐང་པ་དང་ཤད་གཉིས་འདྲེས་ནས་ཡི་གེ་པ་དང་ནོར་ཉེན་ཡོད་པ་ཡིན། དཔེར་ན། ང། འདི་ལྟ་བུ། འདི་ལྟར་བྲིས་ན་ནོར་བ་ཡིན། ང་ཡིག་མཐའ་ཅན་གྱི་དབུ་ཅན་ལ་ང་ཡིག་དང་ཤད་ཀྱི་བར་ཚེག་སྦྱོར་དགོས་པའི་དཔེར་བརྗོད། སྙན་ཚིག་ཡིད་འོང་དོན་གྱི་གནད་ཙང་ཞིང་།། ཚིགས་བཅད་དེའི་མཐའ་མའི་ཡི་གེ་ང་ཡིན་པས་སྔོན་ལ་ཚེག་བྲིས། དེ་རྗེས་ཤད་གཉིས་ཐོབ་པ་ཡིན། དེ་མིན་གྱི་མཐའ་ཅན་གྱི་ཡི་གེ་གང་ཡིན་ཡང་ཡི་གེ་དང་ཤད་ཀྱི་བར་དུ་ཚེག་འབྲི་མི་རུང་བར་ཐད་ཀར་ཤད་གང་ཐོབ་པ་དེ་བྲིས་ན་འགྲིག་པ་ཡིན།།ASm

支持此新闻
返回首页

དཔྱད་བརྗོད་སྤེལ་བ། ད་ལྟ་བསྡོམས་པའི་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།
ནང་དོན་གསར་ཤོས།
རྡེབ་ཚད་མང་ཤོས།
མཉམ་སྤྱོད་བྱེད་གནས།