༄༅།། བོད་ཡིག་གི་ཤད་བཤད་པ།
སྤེལ་དུས།  2015-11-11  རྡེབ་ཚད།   ཡོང་ཁུངས། རྨི་ལམ་འཕྲིན་སྟེགས།   རྩོམ་པ་པོ། མི་གསལ།  རྩོམ་སྒྲིག་པ། lobsang

རྩ་བའི་ཚིགgua
      ཡི་གེའི་མགོ་རྒྱན་དབུ་ཁྱུད་དེ།། དང་ཀྱོག་བེརྒ་ ཞེས་ཀྱང་ཟེར།། ཤད་ལ་ཆིག་ཤད་ཉིས་ཤད་དང་། ། བཞི་ཤད་སྦྲུལ་ཤད་ཚེག་ཤད་དང་། ། རིན་ཆེན་སྤུངས་ཤད་བཅས་ཏེ་དྲུག ། གཏེར་ཡིག་ཚེག་ཤད་ཅེས་པའང་ཡོད། །gua
      གོ་དོན།gua
      ཡི་གེའི་མགོ་རྒྱན་ནམ་དབུ་ཁྱུད། ཡང་ན་དང་ཀྱོག བེརྒ་ཞེས་མིང་སྣ་ཚོགས་སུ་བཏགས་པ། དེང་གི་ཆར་ཡིག་མགོ་ཞེས་ཟེར་བ་འདི་ལ། དབུ་ཅན་གྱི་ཡིག་མགོ་དང་དབུ་མེད་ཀྱི་ཡིག་མགོ་ཁག་གཉིས་ཡོད་པའི་དབུ་ཅན་གྱི་ཡིག་མགོ་ནི་ ༄༅།། འདི་ལྟ་བུ་ཡིན།gua
      ཡིག་མགོ་འབྲི་སྐབས། ཡིག་ཕྲེང་གི་མགོར་འབྲི་བ་མ་གཏོགས་དཀྱི་ལ་དང་མཇུག་ཏུ་འབྲི་མི་རུང་།gua
      དབུ་ཅན་གྱི་ཤད་ནི་དབྱིབས་ཕུར་པ་འདྲ་བ་ཡོད་པས་ན་ ཕུར་ཤད་ཟེར། དེ་ལ་ཆིག་ཤད། ཉིས་ཤད། བཞི་ཤད། སྦྲུལ་ཤད། ཚེག་ཤད། རིན་ཆེན་སྤུངས་ཤད། གཏེར་ཚེག་བཤས་ཡོད་པའི་ནང་གི་ཆིག་ཤད་(།)ནི་འདི་ལྟ་བུ། ཉིས་ཤད་ནི་(།།)ལྟ་བུ། བཞི་ཤད་ནི་(།།།།)ལྟ་བུ། སྦྲུལ་ཤད་ནི་ (༒ )ལྟ་བུ། རིན་ཆེན་སྤུངས་ཤད་ནི་(༑) ལྟ་བུ། གཏེར་ཚེག་ནི་ (༔ )ལྟ་བུ།gua
 gua
རྩ་བའི་ཚིགgua
      དབུ་ཅན་ལ་ནི་ཕུར་ཤད་དེ།། དབུ་མེད་ལ་ནི་མཚམས་རེ་ཐོབ།། ཕྲེང་མགོར་ཡིག་རྡོག་གཅིག་བྱུང་ཚེ།། སྤུངས་ཤད་གཅིག་དང་ཕྱི་རྐང་གསུམ།། བྱུང་ཚེ་སྤུངས་ཤད་གཅིག་སྦྱོར་དགོས། ལྷུག་པའི་དོན་མང་མིང་མཚམས་དང་།། དོན་འབྲིང་འབྱེད་དང་དོན་ཉུང་རྫོགས།། ཚིགས་ཅད་ག་མཐར་ཆིག་ཤད་ཐོབ།། རྫོགས་ཚིག་མཐའ་ཅན་ལྷུག་པ་དང་།། ཚིགས་ཅད་རྐང་མཐར་ཉིས་ཤད་ཐོབ།། སྡེ་ཚན་ཆེན་མོ་རྫོགས་པ་དང་།། ལེའུའི་མཚམས་སུ་བཞི་ཤད་དགོས།། ང་ཡིག་མ་གཏོགས་ཡིག་ཤད་དབར།། ཚེག་མེད་དེ་ལྟར་ངེས་པར་བྱ།།gua
      གོ་དོན།gua
       ༡ དབུ་ཅན་གྱི་སྐབས་སུ་ཡིག་ཕྲེང་གི་ཚིག་སྔོན་མའི་ཚིག་མཇུག་གི་ཡི་གེ་ཚེག་བར་གཅིག་ལུས་ཡོད་ན་(རིན་ཆེན་སྤུངས་ཤད་)གཅིག་ཐོབ་པ་དང་། དེ་བཞིན་ཡིག་ཕྲེང་གི་མཇུག་ཏུ་ཚིག་གི་མགོའི་ཡི་གེ་ཚེག་བར་གསུམ་ཐོན་ཡོད་ན། ཚིག་སྔ་མའི་མཇུག་ཏུ་(རིན་ཆེན་སྤུངས་ཤད་)གཅིག་ཐོབ་པ་ཡིན།gua
      ༢ དབུ་ཅན་ཚིག་ལྷུག་གི་དོནཚན་མང་པོ་ཡོད་པའི་མིང་ཚིག་སྔ་ཕྱིའི་བར་(ཤད་)གཅིག་དང་། དབུ་མེད་ལ་(མཚམས་)རེ་ཐོབ་པ་ཡིན་ཏེ། དཔེར་ན། ཤིང་མཁན་ནི་བྱེད་པ་པོ། སྟ་རེ་ནི་བྱེད་པ། ཤིང་ནི་ལས། ཞེས་པ་ལྟ་བུ། དབུ་མེད་ལ་(མཚམས་ཐུང་)རེ་ཐོབ།gua
       ༣ གཞན་ཡང་མིང་ཚིག་དོན་སྔ་ཕྱིའ་དོན་མང་ཉུང་འབྲིང་པོའི་དབང་དུ་བྱས་པ་དབྱེ་གཞི་ལས་དབྱེ་བྱ་འབྱེད་པ་ལྟ་བུ་དང་། དོན་ཉུང་བ་རྣམས་ཀྱི་མིང་ཚིག་གི་མཐར་དབུ་ཅན་ཡིན་ཚེ། (ཆིག་ཤད་)དང་། དབུ་མེད་ལ་(མཚམས་)རེ་ཐོབ་པ་ཡིན་ཏེ། དཔེར་ན། བོད་ལ་ཡོངས་སུ་གྲགས་པའི་གྲུབ་མཐའ་བཞི་སྟེ། རྙིང་མ་དང་། ས་སྐྱ་དང་། བཀའ་རྒྱུད་པ་དང་། དགེ་ལུགས་པ་བཅས་ཏེ། ཞེས་པ་ལྟ་བུ།gua
      ༤ དབུ་ཅན་གྱི་ཚིགས་བཅད་ག་ཡིག་གི་མཐའ་ཅན་ལ་ཆིག་ཤད་ཐོབ་པ་ནི་དཔེར་ན།gua
      འོད་གསལ་སྒྲོན་མེ་འབར་བའི་དཔལ་ལྡན་ཞིང་།།gua
མྱུར་མགྱོགས་རླུང་གི་ཤུགས་འཆང་གྲུ་གཟིངས་ཞིག །    ཅེས་པ་ལྟ་བུར། རྗེས་འཇུག་ག་ཡིག་གི་རྐང་པས་ཤད་གཅིག་གི་གོ་ཆོད་པ་ཡིན།gua
      ༥ རྫོགས་ཚིག་མཐའ་ཅན་གྱི་ཚིག་ལྷུག་དང་ཚིགས་བཅད་གང་ཡིན་གྱི་རྐང་པའི་མཐར་དབུ་ཅན་ཡིན་ན། ཤད་གཉིས་རེ་དང་། དབུ་མེད་ཡིན་ན། མཚངས་རིང་རེ་ཐོབ་པ་ཡིན། དཔེར་ན། ཚིགས་ཅད་ལ།gua
      ནམ་འཕང་གཅོད་པའི་ཐང་དཀར་རྒོད་པོ་ཡིས། །gua
དགུང་སྔོན་དབྱིངས་ནས་གཤོག་རྩལ་གང་དགར་ངོམས།། ཞེས་པ་ལྟ་བུ།gua
      ༦ སྡེ་ཚན་ཆེན་མོ་གཅིག་རྫོགས་པ་དང་། དེ་མིན་ལེའུའི་མཚམས་སུ་དབུ་ཅན་ཡིན་ན། བཞི་ཤད་རེ་ཐོབ་པ་ཡིན་ཏེ། དཔེར་ན། བོད་ཀྱི་རྒྱལ་རབས་བྱུང་ཚུལ་གསལ་བའི་མེ་ལོང་ཞེས་བྱ་བ་རྫོགས་སོ། ། ། ། ཞེས་པ་ལྟ་བུ། བོད་ཀུ་ཡི་གེ་དར་ཚུལ་བཤད་པའི་ལེའུ་སྟེ་གསུམ་པའོ། ། ། ། ཞེས་པ་ལྟ་བུ།gua
      ༧ ཡང་དབུ་ཅན་ཚིགས་བཅད་ཚིག་ལྷུག་གང་ཡིན་ཡང་ཡི་གེ་(ང་)མཐའ་ཅན་ལ་མཚམས་འཇོག་དགོས་པ་བྱུང་ཚེ་ཡི་གེ་ང་དང་ཤད་ཀྱི་བར་ཚེག་སྦྱོར་དགོས་སྟེ། དེ་མ་སྦྱར་ན་ང་ཡིག་གི་རྐང་པ་དང་ཤད་གཉིས་འདྲེས་ནས་ཡི་གེ་པ་དང་ནོར་ཉེན་ཡོད་པ་ཡིན། དཔེར་ན། ང། འདི་ལྟ་བུ། (འདི་ལྟར་བྲིས་ན་ནོར་བ་ཡིན།)ང་ཡིག་མཐའ་ཅན་གྱི་དབུ་ཅན་ལ་ང་ཡིག་དང་ཤད་ཀྱི་བར་ཚེག་སྦྱོར་དགོས་པའི་དཔེར་བརྗོད། སྙན་ཚིག་ཡིད་འོང་དོན་གྱི་གནད་ཙང་ཞིང་།། (ཚིགས་བཅད་དེའི་མཐའ་མའི་ཡི་གེ་ང་ཡིན་པས་སྔོན་ལ་ཚེག་བྲིས། དེ་རྗེས་ཤད་གཉིས་ཐོབ་པ་ཡིན།)gua
      དེ་མིན་གྱི་མཐའ་ཅན་གྱི་ཡི་གེ་གང་ཡིན་ཡང་ཡི་གེ་དང་ཤད་ཀྱི་བར་དུ་ཚེག་འབྲི་མི་རུང་བར་ཐད་ཀར་ཤད་གང་ཐོབ་པ་དེ་བྲིས་ན་འགྲིག་པ་ཡིན།gua

支持此新闻
返回首页

དཔྱད་བརྗོད་སྤེལ་བ། ད་ལྟ་བསྡོམས་པའི་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།
ནང་དོན་གསར་ཤོས།
རྡེབ་ཚད་མང་ཤོས།
མཉམ་སྤྱོད་བྱེད་གནས།